勇气...

人，通常都会选择逃避。俾人知道，会睇你唔起。有勇气俾人睇唔起，点解冇勇气去面对咧？！就系咁奇怪...冇人可以预知结果。“早知”净系无限嘅借口，避免自己去面对，面对结果嘅承担。人，总系怕痛。面对，系一个未知嘅未来，没法掌握；逃避，至少系潜意识里边可以减少痛楚，一切变得合理。所以，逃避系几咁简单，唔需要勇气，就算俾人睇唔起都唔紧要。因为，失去嘅点都少过得到嘅。奇怪，逃避都会有所得？！系！当逃避嘅结果同预期嘅一致，根本冇乜怨言，“我都话咗系咁嘅啦！”；如果唔一样，总简单！就会后悔，后悔，系一种奇妙嘅空间，可以令你有幻想，有回忆。系一种非现实嘅心理投射...人，好多时会勇于面对；亦好多时会易于逃避。面对，逃避，矛盾，点统一？！当大家睇透时...当...

电视...

Yeah!!!我返嚟啦！终于从日本解脱。
奇怪，有啲人恨去日本都恨唔到，点解我会咁抗拒咧？！
唔话你唔知，做工查实同去旅游十分唔同，所以我讲多无谓，食多会滞。
有机会体验，你就知...
人生嘅结果都系选择，每个人有唔同嘅选择，唔同嘅选择有唔同嘅结果。结果可以系过程，过程可以系结果。总之，你嘅选择就决定你嘅未来，因为我哋只可以控制我哋自己嘅选择。客观环境，每个人唔同选择交叉起嚟先会演绎精彩嘅人生。
精彩，可以系喜，可以系悲。在于你捡嘅系彩色大电视，抑或黑白老电视...
补充一嘀，好多人都唔知我有个BLOG，唔好意思。
知道，但系我嘅BLOG得华语同广东话，十分唔啱啲蕉人睇。鬼叫我啲英文咁屎咩！
哈哈... 不过，都系广东话亲切啲，就好似我平时讲话一样...